इक वादा चाय का

Ik wada hai chai ka,

Tum aana Ghar hmare
Hamen intezar rahega,
Khali chai nahi
Samosa bhi har baar rahega

Pani Kam
Doodh zayada,
Chini Kam
Masala zayada,
In sabke saath
Ek ansh hmare pyar ka rahega

Ik wada hai chai ka
Hamen intezar rahega...

Taza karege vo sab yaden

Jo smeti thi tumhare saath,

Bade sambhal ke rakhi hai 

Tumhare nakhro ke saath

Tumhara vo sacha sa gussa

Vo jhootha sa pyar,

Tumhare balon ki khushboo 

Tumhare choone ka ehsaas,

Sab taza karenge 

Har ek chuski ke saath

Tum aana ghar hmare

Hamen intezar rahega...

Ye vada nahi Todenge

Tumhare vadon ki tarah

Na rang badlega is chai ka 

Tumhari baaton ki tarah

Khuda se bas yahi guzarish hai

Ke zaban me methas de

Tumhare jhooth ki taraha,

Par baaten kadak hon

Is chai ki tarah

Tum aana ghar hmare

Hamen intezar rahega...

Chai pe charcha kar

Hum dil behlayenge,

'Rahul' ki kalam se likha

Tumhe ishq padhayenge

Ye vachan jo diya hai

Ta zindagi nahi bhoolenge ise,

Tumhari prateeksha me

Hum har roz chai bnayenge

Bas ye wada hai chai ka

Kabhi aana ghar

Hamen intezar rahega...

- Rahul