Life through words

Tum samajh nahi sakti mere jazbaaton ko Han thoda gum zaroor hai, Par mere har alfaaz ko pirone se pehle Tera zikar zaroor hai... Main sochta hun ke kya hmara koi mel nahi Tum husne-e-jahan, tumhare liye main bas ek ashiq galiyon ka, Par mere ishq ko koi jhootha keh de Ye hame manzoor nahi... Byan tumse shayad kar na payenge Ho sake to bas kabhi meri kavita se samajhna, Hum darte bahut hain tumse door jane see Mere is dar ko meri kamzori mat samajhna... Kahani men thoda ishq, thoda dard hai Ye kalam to samajhti hai sab, Aapko bhi samajh aye to theek Par ise mehaj ik mazak mat samajhna... - Rahul 

Teri baaten Teri naadaniyan Teri muskurahten Teri shaitaniyan Tere gum Tere raste Tere kisse Tere shauk Teri yaaden Teri mulakaaten Teri kahaniyan Teri khamoshiyan Tera rona Tera pyaar Tera gussa Tera ehsaas Teri khushiyan Teri naarazagi Teri awaaz Teri aankhen Tere jhooth Tere sach Tere pakwaan Tere ehsaan Tere khat Teri kitaaben Tere gaane Teri kala Sab bakhoob sameta ke rakha is dil me, Bas is bosida kaanch ka hi khyaal rakhna bhool gye.. - Rahul 

Kuch sawaal hain Jo har baar poochte hain vo Har baat pe, Har mulakaat pe Or unka jawab main  Aaj bhi nahi de pata hun Poochte zaroor hain vo hamse har baar Or main bas "yun hi" bolkar Chup ho jata hun Jee chahta hai ke bina soche Bas bol dun sab Par fir kahin andar se Koi to rok sa leta hai Or ehsaas hota hai ke mano Kisi nadi ke bahav ko rok liya ho Ik uthti awaz ko daboch liya ho Dharti or asmaan ki Milne ki chahat ko  In pahadon ne rok liya ho, Or tere mere ek hone ko Is kambakhat kayanaat ne hi rok diya ho. Hai, han hai tumhara har sawal ka jawab mere pass Na Jane fir bhi bas "Yun hin" bol kar muskura deta hun Sochta kun ke kabhi samjho is khamoshi ko To iska karan btaun  Or tumhare har sawal ka jawab dun, Par shayd tum bhi  Janti hi ho in sawalon ke jawab Or shayad sun na nahi chahti  Kyunki,  Bas Yun hi.. - Rahul 

Zara ruk Thoda theher Ik sapna dekh Fir usko nihar Vo manzil hai Shayad mukammal nahi hogi Par ye lamha Ye aj hai kal nahi hoga Ise rooh se lgane ki koshish kar Ye waqt ki dhimi chaal Rokne ki koshish kar Ye din Ye raat Vo shaam Vo ehsaas Mehfooz kar Samet le Girega shayad kuch Par koshish kar Ye waqt ki dhimi chal Rokne ki koshish kar Na Aya hai na kuch ayega Na paya hai na kuch payega Ruk Zara Mehsoos Kar Is ghadi ki awaz ko Is behti hawa ko Is Zindagi ko Isi pal me bas Zeene ke koshish kar Ye waqt ki dhimi chal Rokne ki koshish kar

  Transliteration: Masala chai or meri ye kalam Tumse baat na kar pane ki laachari ko Main kuch yun nazar andaaz kar deta hun - Rahul

Kabhi waqt lage, to tum bhi aana bhoole se, Tumhe lehron ki madhur dhun sunaunga, Tum sahil par hi baithe rehna Main vahin apni lehron se tumhaara tarruf karaunga Paas aaoge to talab hogi aur jaane ni Par fir main, sarak kar peeche chala jaunga Main gamon ko mooti maafiq chhupakar rakhta hun, Bahut gehri chhalaang lagaoge, to shayad dikh paunga, Mere sahil par rahega  hamesha  khushiyon ka mela Is kirdaar ko main baakhubi nibhaunga, Mujhe dhoondne ki koshish na karna, Main samandar hun, Main vapis paatal me jakar chhip jaunga.  - Rahul Garg

Sone na de jo raaton ko, Vo khwab ho tum, Kismat valon ko mile Jo Vo chirag ho tum Tumhare husn ki srahna main kya karun Khuda ka badi Nazakat se bnaya, Bemisaal khitaab ho tum.

Band ho gayi galiyan ab vo, Jahan saath tumhara hota tha, Ye gaadiyon ka shor to tab bhi tha, Par mehsoos nahi sa hota tha, Kitni imarten, or kitne ped Ye mujhe ab yaad hain.. Pehle sab jagahn bas, Chehra tumhara hota tha... Ik cycle ke nikalne pe bhi, Haath tumhara pakad leta tha, Or ab gaadiyon se bhi takrane ka dar Mehsoos nahi sa hota hai..  Yun chhod kar tum chali gayi, Meri zindagi ki hari bhari galiyon ko, Tumko nahi to kya, In pedon ko to dard mehsoos hota hai...

I woke up late I had no meal With a hungry tummy I'm walking fast The roads are empty The shops are far They close so early I'm walking fast I wanna have a burger With a coffee in a bar I'm walking alone I'm walking fast To feel those clouds I need a car But I'll capture them now While I'm walking fast I'll go to the mountains After I go to the bar I'm walking downhill now I'm walking fast... I'll come back later After I enjoy a million stars, I'll be walking uphill I'll be walking fast... - Rahul Garg

  Transliteration:  Lafzon ki aandhi hai, Tumse baat-Mulakat Na kehne ko shabd dhoond Pata hun, na Likhne ko.

  Picture taken at: Pond at The University of Tokyo Transliteration:  Is shor ke beech kabhi khud ko sun ne ko, Main aksar ekant me baith, khud se poochta hun, Ki tu kahan hai? -Rahul 

Yun roz pass se guzar jati ho Tum nazren jhuka ke, Ik din tumhara haath pakdun Bas itni si chahat hai Unke aate hi tum mujhe  Andekha kar deti ho batten baadal kar, Kabhi un baton me mera zikar ho Bas itni si chaht hai Tum shingaar karti ho Haathon me mehndi laga kar, Unhin haathon pe mere naam ki haldi lage Bas itni si chaht hai Yun halke se muskura ke Dillon ko ghayal karti ho, Us muskurat ki vajah main banu Bas itni si chahat hai Bade lehze se sharmakar  Sunti ho mere khyaal, Kabhi mere jaisa hi mehsoos karo Bas itni si chahta hai - Rahul 

Fir ek raat Fir vahi shaam Fir vahi jaam Na Jane kitni baar huya hai esa Ab to ginti bhi bhool gya Hun main Par aj bhi vo jese hi ankhe utha ke ik Nazar dekh leti hai to Vo purani shamen Vo purne din Vo purani mulakaten Vo purani baten Sab bhool jata hun main Or har baar yahi ehsaas to hota hai Ke Mano itni khoobsoorat cheez pehli baar Dekhi ho Uski muskaan  Uska mazak Uske Baal Uski vo chaal Har ek cheez behtreen hi to hai Par shayad kuch khamiyan bhi hain usme  Jese ko vo kabhi kabhi baat karna hi bhool jati hai Kabhi main msg karun to vo jawab dena bhool jati hai Par fir vahi Uski hasi Uski aankhen Uski naadnaniyan Saamne aajati hain Or fir main sab nazarandaaz karte huye yahi sochta hun  Ke kamil hi to hai vo.. Janta Hun main  Bahut achhe dost hain hum Khud se to ye jhooth bol deta hun  Ke kam se kam dost to hai Par e kalam Tujhse kese chhipaun ke  Shayad sirf ye dosti hi kafi nahi, Main chalte huye uska haath thaamna chahta hun  Vo uski muskan ko ...

I wish I could spend some more time Listen to her all ups and down, I wish  I could have told her more While doing all the housing chore, I wish  I could look at her longer Only if I could have been little stronger, I wish  I could be present to care To clam her down from a nightmare, I wish I could be there in her dreams Fighting everything which makes her scream, I wish I could hug her when I'm also down I could see her when she is in town, I wish  She could have known me better We could have shared the winter sweater, I wish  I could share some more songs And she could tell all my wrongs, I wish There is a wishing well and a coin I can throw, I'll wish for her and never let her go. - Rahul

Picture taken at: A restaurant in Mumbai. Transliteration: Kuch chai ki chuskiyan, Kuch baaton ki mithas, Vo pizza ka slice, Vo madhoshi ka ehsaas, In sapnon ki kabar par Kya ab kabhi phool khilenge? -Rahul  

Wording: Ajeebo gareeb si hai ye Zindagi, Aj fir kalam uthai, Aj fir likhne ki koshish ki, Or aj fir yaadon me hi khokar so gya.. -Rahul  

Log kehte hain ke hum zinda hain  par zinda nazar nahi aate, Ab kaise batlayen Ke chhod aaye the kisi ke yahan  Hum apni jaan, Or ab vo shakhs bhi to nazar nahi aate.. - Rahul

Picture taken at: Thinking while on a road trip Transliteration: Vo chehre par likhi kahaniyan na padh paye In alfaazon me lipti bhavnayen kya samajhte Vo masroof the zindagi ki mehfilon me Saki ki tanhai ka aalam vo kya samajhte Laye the hum ek kashti samandar ke liye Unhen chaand pyara tha, Lehron ki fana ko vo kya samajhte, Mashgool rehti hain aksar unki shehar ki galiyan, Ajnabi musafir ki kash-m-kash vo kya samajhte. 

  Picture taken at: My company's HQ Transliteration: Ik khuli Kitaab padhne ko bhi Na jane kyun Mukhbir rakhte hain, Nafrat kahun ya hai uns ka ehsaas Jane kyun aisi asmanjasta me rakhte hain. -Rahul 

Aasan nahi tha gum chhipa kar muskurana, Hairat ye, ke unhen humari yahi aadat,  kuch pasand nahi aai.

Hum apni hi soch se guftgu karte rahe Ke unko bhi mehsoos huya hoga kuch to, Aj malum huya ke vo saksh bade kamal ke the, Unhone jashn-e-dawaat rakhi thi  Hmari dil-e-dargah pe sabko bulakar. - Rahul

Picture taken at: Sanshiro Pond, The University of Tokyo.  Transliteration: Chah kar bhi nahi chhalke, Aaj in aankhon se aansu Shayad teri yaad ne, is dil se ab muahida kar liya hai. -Rahul

इक दुनिया की सुनते रहे वो इस कदर के खुद की ही सुनना भूल गए  झूठ बोलने में हुए वो कुछ यूँ सक्षम आज खुद से ही सच बोलना भूल गए  जानते हैं वो भी के कामिल थे हम इक दूसरे के साथ पर ढाई साल की मोहब्बत को वो, ढाई दिन में भूल गए  मैं कैसे गुज़ारिश करूँ आखिर काएनात से उन्हें पाने की उन्हें दर्द-ए-दिल याद हैं, पर इक़रार-ए-मोहब्बत वो भूल गए  अब ताकता रहता हूँ के कब नसीब होगी उनकी आवाज़ वो छोड़ के कुछ यूँ गए, के पलट कर देखना भूल गए  - राहुल गर्ग  Transliteration:  Ik duniya ki sunte rahe vo is kadar, Ke khud ki hi sun na bhool gaye Jhooth bolne me huye kuch yun saksham, Aaj khud se hi sach bolna bhool gaye Jante hain vo bhi ke kaamil the hum ik saath, Dhai saal ki mohabbat ko, dhai din me vo bhool gaye Main kaise guzaarish karun akhir qayanaat se unhen paane ki, Unhen dard-e-dil yaad raha, par iqrar-e-mohabbat vo bhool gaye Ab taakta rehta hun ke kab naseeb hogi unki awaaz fir ik baar, Vo chhod ke kuchh yun gaye, ke palat kar dekhna bhool gaye. - Rahul Garg

Rok deta main, agar dariya hota ye aankh ka aansu Is bhare samandar par, Maine kaise baandh bnaun - Rahul

  Picture taken at: Shirahige Shrine, Shiga Jannat-e-firdaus naseeb ho unhen Khushiyon se bhara angan ho, Sir jhooke sajde ko jab bhi mera laazmi duyaon me unka naam ho. - Rahul Garg

Likh raha hun fir main, Aj aansoo nahi, khoon ki sayahi hai, Alfaaz de rahan hun main Par chot unhone pahunchayi hai.. Aansunyo ke moti, gum ka dhaga lekar, Ye mala pirokar bade pyar se de gaye vo Mustaqbil, ye ik hasaya kavita hogi, kehkar ye Mashallah unke chehre par kya muskuruhat chhayi hai Milte rahe hain unhen har chaurahe par, Jo phool bichhaye the humne, Vo chal diye raund kar, or karte bhi kya, Kaunsi badi baat jo ik or ke chehre pe nami aayi hai, Be-shumar hain unki shikayaten humse Main gunhegaar, maafi bhi kaise maangta, Doosra mauka zindagi nahi deti Ye bhi to zindagi ki hi sachhayi hai Khair, Malum nahi tha shayad ke Be-manzil raston pe chale hain hum Alam-e-tanhai mukaddar thehri ' Rahul' ye chot tune khud hi khayi hai. - Rahul Garg

  Picture taken at: From my lab, The University of Tokyo Transliteration:  Ik uns ka ehsaas hai ishq, Koi lafzon ka khel nahi Jo byaan karna pade bolkar, Vo fareb hai ishq nahi. - Rahul Garg

  Picture Taken at: Tokyo big sight, Odaiba Transliteration: Meri Kaavishon me dararon ka aagaz tab huya, Jab hamsari me log apne hi the. - Rahul Garg

Unhe kya malum kitna dushwaar tha, Unse fasla rakhna unke pass rehkar Hum unke huye bhi nahi, Or beech bazar badnaam bhi ho gaye

Uski yaad me din beete na jane kitne, Main aangan me baith bas bair ginta raha Vo milenge to izhar karunga unse, Main isi aas me bas waqt ginta raha Hum mukkammal hain ek doosre ke saath hi, Main bas akele ki khamiyan ginta raha Kho diya maine ek palak jhapkte unko , Main aanchal me giri bas tooti palken ginta raha  Ta zindagi tumhara ho jaun, ye hi ik duya thi rab se, Main shikast-khurda, sirf teri qurbat ke lamhe ginta raha